ТАҢДАУ! Бұл кітапты оқып шыққан адам осы сөздің БОСТАНДЫҚ сөзімен тамырлас екенін айқын аңғарады. Тән бостандығы, жан бостандығы! Рух бостандығы! Кітап авторы Эдит Ева Эгер дәл осы бостандыққа жетсем деп күрескен әйел. Жоқ, ол өзгелермен емес, өз сана-сезімімен, жан жарасымен, ішкі азабымен арпалысты. 16 жасында ата-анасымен, әпкесімен бірге Аушвицтегі өлім лагеріне айдалып, тозақ отынан ішкі жан дүниесінің мықтылығынан ғана аман қалған биші қыз соғыс аяқталып, бейбіт өмірге қайта оралғаннан кейін де өзін тар құрсауда жүргендей сезінген. Санасында сартап болып сіңіп қалған сұм соғыстың ауыр зардабы ішкі әлемін запырандай улап, өз-өзіне келе алмаған. Қажырлы еңбек пен өмірге деген шексіз құштарлықтың арқасында, өзінің ішкі әлемін зерттеу арқылы өзгелердің де жан жарасын емдейтін атақты психолог атанды. Тағдырдың қысылтаяң сәтінде кімде де болса ТАҢДАУ болатынын, тек саналы ақылмен ғана әрекет етсе ғана жеңіске жететінін өз басынан өткен оқиғалар арқылы баяндайды.